Нэг сая болон түүнээс доош төгрөгийн орлоготой иргэдэд НДШ-ийн 50 хувийг он дуустал буцаан олгоно

УИХ-ын чуулганы нэгдсэн хуралдаанаар Нийгмийн Даатгалын Шимтгэлээ өөрөө хариуцсан төлсөн зарим даатгуулагчийн шимтгэлийн 50 хувийг буцаан олгох тухай хуулийн төслийг эцэслэн баталжээ.

Тодруулбал, нэг сая төгрөг болон түүнээс доош орлоготой иргэн өөрийн төлдөг 9.5 хувийн шимтгэлийн 50 хувийг тавдугаар сараас эхлэн он дуустал буцаан авахаар болсон гэсэн үг. Мөн түүнчлэн хувиараа НДШ төлөгч нар ч энэхүү буцаан олголтод хамрагдах юм.

Эл буцаан олголт нь газрын тос болон уул уурхайн салбарт ажилладаг иргэдэд хамаарахгүй ажээ.