Sogoo mn
Манай эмэгтэй тамирчид Азиас дөрвөн медаль хүртээд байна
Чөлөөт бөхийн Азийн аварга шалгаруулах тэмцээний гурав дахь өдөр Монголын шигшээ багийн таван эмэгтэй хүч сорьж гурван мөнгө, нэг хүрэл медаль хүртлээ. -55 кг жинд ОУХМ Г.Отгонжаргал, -50 кг жинд ОУХМ Ц.Намуунцэцэг, -59 кг жинд Б.Шоовдор нар мөнгөн медаль хүртсэн бол -68 кг жинд ОУХМ Э.Дэлгэрмаа хүрэл медаль хүртсэн юм. Харин -76 кг жинд ОУХМ Г.Ариунжаргал хүрэл медалийн төлөө Казахстаны Гулмарал Еркебаевад 4-7 харьцаагаар ялагдаж тавдугаар байр эзлэв.